O alumnado de Kids&Us pode obter a certificación oficial “Global Communication in English” de Trinity College London

 Como Validated Course and Assessment Provider, Kids&Us convértese na primeira institución de ensino de inglés do mundo en obter este status con Trinity e, a partir de agora, podemos ofrecer, cos nosos cursos e exames, a certificación oficial “Global Communication in English” (GCE): expedida por Trinity, regulada por Ofqual e aliñada co Marco Común Europeo de Referencia para as Linguas (MCER).

Sen exames adicionais. Sen cambiar a nosa forma de aprender. 

Trinity College London, fundada en 1872, é unha organización internacional líder en certificación, editorial e entidade educativa independente sen ánimo de lucro, especializada na avaliación de habilidades comunicativas e interpretativas nos ámbitos da música, o teatro, as artes combinadas e a lingua inglesa.

Con máis de 700.000 candidatos ao ano en máis de 80 países de todo o mundo, as titulacións de Trinity están especificamente deseñadas para axudar o alumnado a progresar.

 A certificación Global Communication in English (GCE) de Trinity College London avalía a capacidade do alumnado para entender, interpretar e usar o inglés de xeito efectivo en situacións comunicativas do mundo real. A especificación oficial das certificacións GCE publicada por Trinity College London, que define o marco regulador das certificacións, pódese atopar nesta páxina.

A certificación Global Communication in English de Trinity permite avaliar individualmente a evolución da aprendizaxe e os logros conseguidos polo alumnado. Esta certificación incentiva o gusto por usar o inglés e proporciona ao alumnado unha sensación de éxito ao ofrecerlle unha proba tanxible do que conseguiu.

 Esta alianza con Trinity College London demostra a robustez e a calidade do método Kids&Us. Por primeira vez, o noso alumnado pode obter un recoñecemento oficial grazas á aprendizaxe que ocorre na aula seguindo o método Kids&Us, sen necesidade de preparar un exame adicional.