Benvidos a Cool Off!
A experiencia Cool Off é unha oportunidade fantástica para facer chegar o inglés máis aló das aulas. Nunha contorna no medio da natureza, o noso alumnado gozará dunha semana de inmersión lingüística na que non só aprenderá inglés, senón que tamén coñecerá culturas do mundo, crecerá persoalmente e fará novas amizades.
Os valores de Cool Off
Desde Kids&Us, sempre traballamos para ofrecer a mellor experiencia de aprendizaxe do idioma, pero tamén queremos fomentar a adquisición de valores como o respecto, a tolerancia, o traballo en equipo e a autonomía. Contamos cun equipo excepcional con experiencia no mundo de Kids&Us e no mundo do lecer, o que nos permite crear uns campamentos únicos.
O noso método
Durante os sete días e seis noites que duran os campamentos, o inglés é a lingua vehicular para comunicarse con todos os membros do equipo. Seguindo o método Kids&Us, animamos aos nenos e nenas a aprender estruturas que os axudan a comunicarse en inglés comodamente no seu día a día; tamén traballamos gramática e vocabulario adaptados ao seu nivel nas nosas Travel Guides, uns cadernos exclusivos de Cool Off.
Facémolo xogando e divertíndonos
Como non podía ser doutra maneira, os xogos, as cancións e os bailes non poden faltar nuns campamentos Kids&Us! Cantamos para ir almorzar, comer ou cear, para ir á ducha ou cando imos de excursión. Todo en inglés! Ademais, ao final da semana, todos os participantes aprenderon cancións e bailes relacionados coa temática para que as familias os poidades ver en directo durante a festa de despedida.
Temática e actividades
Nos Cool Off non hai descanso! Desde que nos levantamos ata que imos durmir, facemos todo tipo de actividades, desde xogos e deportes tradicionais da cultura elixida ata excursións. Ademais, cada día dámonos un baño, sexa na piscina ou en augas naturais!
Isto non é todo! Algunhas das actividades máis esperadas de sempre son:
- Staff Performance: os nosos monitores favoritos convértense nos protagonistas dunha magnífica historia.
- Night Out: é a oportunidade perfecta para ver as estrelas cos nosos amigos e amigas mentres acampamos ao aire libre.
- Disco Night: todo el mundo se viste de gala para celebrar a última noite dos campamentos bailando ao ritmo das nosas cancións favoritas.
Queredes saber como é un día de Cool Off? Facede clic aquí!
“Situada en Sant Pere de Torelló (Barcelona), atópase unha contorna rural, rodeada de bosques, aciñeiras e vexetación de ribeira.”
El Molí de la Riera
“Situada a menos dunha hora de Madrid, cerca das piscinas naturais máis bonitas do centro do país, dispón dunhas instalacións modernas totalmente integradas dentro do espazo natural que as rodea.”
Naturávila
“Entre San Sebastián e Pamplona encontramos un pequeno pobo cheo de historia, desde templarios ata bruxas. Nas aforas, un antigo palacio reformado como parque de aventuras e albergue. As instalacións de IrriSarri Land contan con todo tipo de comodidades para levar a cabo actividades, e os seus redores ofrécennos unhas vistas espectaculares.”
Irrisarri Land
